Парис Жексон: Тэр бол миний зүрхний хаан

2016 оны 4 сарын 6

Майкл Жексоны охин Парис 18 насны төрсөн өдрөө аавдаа зориулсан шивээс хийлгэжээ. Парис Жексон “Миний зүрхний хаан” хэмээх үгсийг Майкл Жексоны бичгийн хэвийг дуурайлган бугуйн дээрээ шивүүлж, зургийг нь Instagram хуудсандаа оруулжээ.

Охин зургийнхаа доор "Бусад хүмүүсийн хувьд тэр Попын хаан. Харин миний хувьд бол миний зүрхний хаан  байсан юм” гэж  бичжээ.

Дуучин Майкл Жексон 50 настайдаа пропол эмийг тунг нь хэтрүүлэн хэрэглэснээс болж амиа алдсанаас хойш долоон жил өнгөрч байгаа ч дэлхийн өнцөг булан бүрт шүтэн бишрэгчид нь түүний дууг сонсох дуртай хэвээр байна.

Парис Жексон 14 настайгаасаа хойш аавынхаа дурсгалд зориулж шивээс хийлгэхийг хүссэн гэнэ.

Н.Энх

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна