Залуучуудыг улаан бурхны дархлаажуулалтад хамруулна

2016 оны 4 сарын 8

18-30 насны залуус улаанбурхан өвчнөөр өвчлөх нь нэмэгдсэнтэй холбогдуулан ирэх сараас дархлаажуулалтын ажил зохион байгуулах гэж байна. Улаанбурхан өвчний дэгдэлт бага насны хүүхдээс гадна багадаа вакцинжуулалтад хамрагдаж байгаагүй 18-30 насныхны дунд элбэг байгаа аж. Тиймээс улаанбурхны эсрэг вакцинд ирэх сараас хамруулах юм байна.

Уг нь өнгөрсөн оны тавдугаар сарын сүүлээс зургаан сартайгаас зургаан нас хүртэлх 156 322 хүүхдийг улаанбурханы нэмэлт дархлаажуулалтад хамруулсны дараа өвчлөл буурч эхэлсэн. Гэтэл өнгөрөгч хоёрдугаар сараас 15-29 насны оюутан залуучуудын дунд өвчлөл нэмэгдэх хандлагатай болжээ.

Улаанбурхан өвчин БНХАУ, ОХУ-аас зөөвөрлөгдөн орж ирснээс гадна дархлаажуулалтад хамрагдаагүй, дархлаа нь суларсан хүмүүсийн бүлэг бий болсонтой шууд холбоотой гэдгийг Нийслэлийн Эрүүл мэндийн газраас мэдээлж байгаа юм.  

М.КЕЙТ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна