Сирийн босогчид ИУ-ын хангамжийн замыг таслан хаав

2016 оны 4 сарын 8

Фото: Bassam Khabieh / Reuters

 

Сирийн босогчид Туркийн хилийн ойролцоох Аль-Раи хотын ихэнх хэсэгт хяналтаа тогтоон “Исламын улс” бүлгийнхнийг шахан гаргаж байна. Энэ дүүрэг Туркийн нутгаас Сирид хэт даврагчидтай нийлэхээр очиж байгаа хүмүүсийн дамждаг гол нутаг юм.

 

Аль-Раи хот нь Алеппо муж дахь исламын дайчдын дэд бүтцийн чухал түшиц газар бөгөөд түүгээр ИУ бүлгийн хангамжаа авдаг.

 

Сүүлийн хоногт Сирийн арми хэд хэдэн хот сууринг чөлөөлөөд байна. Тухайлбал, дөрөвдүгээр сарын 3-нд Эль-Карьятейн гэх христийн сүсэгтнүүд голчлон амьдарч байсан хотыг чөлөөлжээ. Гуравдугаар сарын сүүлчээр Сирийн арми Оросын нисэх хүчний дэмжлэгтэйгээр Пальмира хотыг чөлөөлсөн. Пальмира хот нь ИУ-ын хувьд томоохон ялагдал болсон юм.

 

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна