Жон Керри Иракт гэнэтийн айлчлал хийв

2016 оны 4 сарын 8

 

АНУ-ын Төрийн нарийн бичгийн дарга Жон Керри өнөөдөр /2016.04.08/ Иракт гэнэтийн айлчлал хийлээ хэмээн Associated Press агентлаг мэдээллээ.

 

Жон Керри Багдадад тус улсын ерөнхий сайд Хайдер аль Абадитэй уулзаж Исламын улс бүлэглэлтэй хийх тэмцлийн талаар ярилцана гэж агентлаг мэдээлж байна.

 

Исламын улс бүлэглэлтэй хийж байгаа тэмцэл амжилтад хүрч байгааг Жон Керри өмнө нь тэмдэглэж байсан. Исламын улс бүлэглэл эзэлсэн газар нутгийнхаа ихэнхийг алдсан бөгөөд өнгөрсөн оны тавдугаар сараас хойш шинэ газар нутгийг өөрийн болгож чадаагүй байгаа юм.

 

"Исламын улс бүлэглэл дээд болон дунд тушаалын цэргийн албан тушаалтнууддаа төлдөг мөнгөний хэмжээг багасган гэсэн мэдээлэл бидэнд бий” хэмээн Керри мэдэгдсэн юм.

 

А.ШАРАВ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна