Ленины шарилыг хадгалахад 13 сая рубль зарцуулна

2016 оны 4 сарын 13

 

Большевик хувьсгалын лидер Владимир Ленины занданшуулсан шарилыг хэвээр хадгалахад ОХУ-ын албаныхан 13 сая гаруй рублийг зарцуулахаар төлөвлөжээ. Ленины шарил Москва хотын Улаан талбай дахь Мавзолейд 90 гаруй жилийн турш хадгалагдаж байгаа юм.

 

Лениныг 1924 онд нас барсны дараа түүний биеийг занданшуулж хадгалах болжээ. Ленины шарилыг дэлхийн II дайны үед буюу 1941 онд Москва хот германчуудад эзлэгдэхээс эмээж Сибирийн Тюмень хот руу шилжүүлж байсан аж.

 

ОХУ нь Ленинээс гадна Болгарын  Георги Димитров /1949/, Вьетнамын Хо Ши Мин /1969/, Хойд Солонгосын удирдагч Ким Ир Сен /1994/ зэрэг коммунист лидерүүдийн цогцосыг занданшуулахад тусалж байжээ.

 

Б.АНХТУЯА

ЭХ СУРВАЛЖ: TASS

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна