Өсвөрийн шатарчдын тивийн аваргууд өнөөдөр тодорно

2016 оны 4 сарын 14

Монгол Улсад анх удаа болж буй өсвөрийн шатарчдын Ази тивийн аварга шалгаруулах тэмцээн өнөөдөр өндөрлөнө. Тус тэмцээнд тивийн 18 орны 470 гаруй өсвөрийн шатарчид өрсөлдөж байна. Монголын үйлдвэрчний эвлэлийн соёлын төв ордонд болж буй тус тэмцээний стандарт төрлийн 9 дэх өргийн тоглолт өнөөдөр болж, нас бүрийн медальтнууд тодорно. Тэмцээн 8, 10, 12, 14, 16, 18 хүртэлх насны ангилалд болж байгаа билээ. Тэмцээний эхний өдрүүдэд болсон блиц (түргэн), рапид (түргэвчилсэн) төрлийн тэмцээнд манай тамирчид өндөр амжилтыг үзүүлж, 36 медаль хүртсэн. Тодруулбал, манай улсаас 13 азийн аварга төрөөд байна.

Стандарт төрөлд ч манай тамирчид амжилттай оролцож байна.

Тэмцээний хаалтын ажиллагаас МҮЭСТО-д 16.00 цагаас болно.

ДҮН: http://chess-results.com

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна