Жүдо бөхийн ДАШТ-д 21 тамирчин оролцоно

2015 оны 8 сарын 18

“Астана-2015” жүдо бөхийн ДАШТ энэ сарын 24-30-ны хооронд Казахстаны нийслэл Астана хотноо болох юм. Энэ жилийн ДАШТ-нд 129 орны эрэгтэй 490, эмэгтэй 326 жүдоч оролцоно. Тэмцээнд манай улсаас 21 тамирчин, таван дасгалжуулагчийн хамт явахаар бэлтгэлээ базаагаад байна. Өнөөдөр Монголын жүдо бөхийн холбооноос мэдээлэл хийж, Дэлхийн аварга шалгаруулах тэмцээнд эх орноо төлөөлөн оролцох шигшээ багийн тамирчдыг зарлалаа.

 

Жүдо бөхийн ДАШТ-д манай улсаас эрэгтэй, эмэгтэй, багийн гэсэн бүх төрөлд тамирчид өрсөлдөх гэж байна. Энэ жилийн дэлхийн аваргад түрүүлсэн жүдоч олимпийн эрхийн 900, мөнгөн медаль хүртвэл 540, хүрэл медаль хүртвэл 360 оноогоор чансаагаа ахиулах юм.

 

ДАШТ-д нэг улсаас эрэгтэй, эмэгтэй тус бүр есөн тамирчин оролцохыг зөвшөөрдөг. Монголын шигшээгийн хувьд эрэгтэй баг дээр гэхэд 60, 66, 73 гэхчлэн хөнгөн жингүүддээ хоёр тамирчин оролцуулахаар шийдвэрлэсэн учир хүнд жингээ үлдээхээс аргагүй болжээ.

 

Жүдо бөхийн ДАШТ-ийг МҮОНТВ, ETV, S[PORT BOX, C1 телевизүүд наймдугаар сарын 24-30-ны өдрүүдэд эх орон даяар шууд дамжуулна аа.

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна