Ховд аймагт жил бүрийн намар зохион байгуулдаг “Ховд түншлэл” үзэсгэлэн худалдаа энэ онд уламжлал ёсоороо энэ сарын 15-17-нд болж өнгөрлөө. Энэ үеэр 60 гаруй аж ахуйн нэгж бүлэг, нөхөрлөл хоршооны бүтээгдэхүүнүүдийг дэлгэн үзүүлсэн бөгөөд 10 гаруй гаруй номинциар шилдгүүдээ тодруулан, алт мөнгө, мөнгө хүрэл медалиар мялаажээ. Энэхүү үзэсгэлэн худалдаанд хөгжлийн бэрхшээлтэй, нийгмийн эмзэг бүлгийнхэн зохион байгуулалтад орж, үйлдвэрлэл, үйл ажиллагаа эрхлэн, өөрсдийн бүтээгдэхүүнээрээ оролцлоо. Мөн энэ үзэсгэлэн худалдаанд Мерси кор байгууллагын дэмжлэгтэйгээр “Ховдын толь” ТББ-ын “Алтан гар”, мөн ахмадын “Сүүн сэтгэл” холбооны “Ахмадын дэм” бүлгүүд сийлбэр, гар урлал болон, оёдол зөөлөн эдлэлийн төрлийн номинацид алтан медаль хүртлээ.