“Тоттенхэм” өрсөлдөгчөө бутниргэлээ

2016 оны 4 сарын 19

Английн премьер лигийн 34 дүгээр тойргийн сүүлчийн тоглолт өнгөрсөн шөнө боллоо. Энэ тойргийн “Хөшиг”-ийг хааж “Сток Сити” талбайдаа “Тоттенхэм”-ийг хүлээж авсан. Тэргүүлэгч “Лестер” энэ тойрогт хоёр оноо алдсан учраас араас нь нэхэж байгаа “Тоттенхэм” зайлшгүй хожих даалгавартай байсан. Тэгж байж онооны зөрүү ойртоно.

Тэгвэл Лондоны баг энэ улиралд үнэхээр гайхалтай байгаагаа харуулж, “Сток Сити”-г талбайд нь 0:4-өөр бутниргэлээ.

Тоглолтын 9, 71 дэх минутад Харри Кейн хоёрыг оруулсан. Ингэснээр премьер лигт 24 гоолтой болж, мэргэн буучийн жагсаалтыг ганцаараа тэргүүлж байна. Тэгвэл үлдсэн хоёр гоолыг нь Англи хагас хамгаалагч Делли Али оруулсан. Ингэснээр тэрбээр премьер лигт 10 гоолтой болж ирлээ.

Мөн “Тоттенхэм” 68 оноотой болсноор тэргүүлэгч “Лестер”-ээс 5 оноогоор хоцорч эхэллээ. 35 дугаар тойрогт “Лестер” талбайдаа “Соунси”-тай тоглоно. Харин “Тоттенхэм” талбайдаа “Вест Бромович”-ыг хүлээж авах юм.

Н.БОЛД

Эх сурвалж: www.mminfo.mn

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна