Г.Дэнзэнгийн хэргийг шүүхэд шилжүүлнэ

2016 оны 4 сарын 19

Ерөнхий сайд асан Н.Алтанхуягийн “хүргэн” , Засгийн газрын хэрэг эрхлэх газрын дэд дарга асан Г.Дэнзэнг албан тушаалаа урвуулсан ашигласан гэх үндэслэлээр  АТГ-аас анх шалгаж эхэлсэн бөгөөд Эрүүгийн хуулийн 265.2, 150.3 дахь хэсэгт зааснаар эрүүгийн хэрэг үүсгэн, мөрдөн шалгах ажиллагаа явуулж байгаа.  Энэ хэргийн талаар  Улсын Ерөнхий прокурорын газрын Дотоод аюулгүй байдлыг хангах хэлтсийн дарга Э.Амарбат  мэдээлэхдээ “"Мөрдөн байцаалтын ажиллагаа дуусах шатандаа явж байгаа, удахгүй шүүхэд шилжүүлнэ” гэлээ.  Г.Дэнзэнг эхнэрийнхээ “Говь повер” ХХК-нд 4.5 тэрбум төгрөгийг эвлэрлийн гэрээний үндсэн дээр олгосон гэх үндэслэлээр АТГ-аас буруутган шалгаж эхэлсэн байдаг. Түүний  гэм буруутай нь  хэрэв шүүхээс тогтоогдвол 5-10 жилийн хорих ялаар шийтгүүлэх заалттай юм байна.

Б.БАТ

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна