Хоёр настай охин тогонд цохиулж нас баржээ

2016 оны 4 сарын 20

Улаанбурхан өвчин тархаж, нялхасын эндэгдэл нэмэгдэхийн зэрэгцээ эцэг эхийн санамсар болгоомжгүй үйлдлээс болж бяцхан хүүхдүүд харамсалтайгаар амь насаа алдах тохиолдол гарч байгааг цагдаагийн газраас сануулж байна.

Өнгөрсөн сард дөрвөн настай хүү нохойд хазуулж амиа алдсан хэрэг гарсан бол Баянхонгор аймгийн Бөмбөгөр суманд дахин нэг нялх үр амь насаа алдлаа. Тодруулбал, Баянхонгор аймгийн Бөмбөгөр сумын дөрөвдүгээр багт амьдардаг хоёр настай охин гэртээ тогонд цохиулж нас баржээ. Уг хэргийг одоогоор Баянхонгор аймгийн цагдаагийн байгууллага шалгаж байгаа аж.

Эцэг эхчүүд үр хүүхэддээ тавих хараа хяналтаа сайжруулж, хариуцлагатай байхыг цагдаагийн байгууллагаас анхаарууллаа.

Т.НОМИН

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна