Хятад баллистик пуужин туршжээ

2016 оны 4 сарын 21

Хятад энэ долоо хоногт алсын тусгалын “Dongfeng-41” баллистик пуужин туршсан тухай Пентагоны эх сурвалж мэдээлжээ. “Dongfeng-41” баллистик пуужин нь 6-10 ширхэг цөмийн хошууг зөөвөрлөн 10 мянга км хол зайд тусах чадалтай аж. Уг пуужин нь 30 минутын дотор АНУ-ын аль ч хэсэгт хүрэх чадалтай гэнэ.

Хятад улс өмнө нь 2015 оны арванхоёрдугаар сарын 5-нд пуужингийн туршилт хийсэн байв. Хятадын арми өнгөрсөн арванхоёрдугаар сард АНУ-ын пуужингаас хамгаалах системийг давах чадалтай асар хурдтай шинэ төрлийн пуужин амжилттай туршсан гэдгийг мэдээлж байжээ.

Хятад улс нь Өмнөд болон Зүүн тэнгис дэх газар нутгийн маргаанаас үүдэн Азийн хөрш орнуудтайгаа зөрчилтэй байгаа юм. Энэ үед Хятадын баллистик пуужингийн туршилтад хөрш орнууд нь онцгой анхаарал тавьж байна.

Эх сурвалж: Pravda.ru

Б.АНХТУЯА

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна