Олимпын бамбарыг Бразильд шилжүүлэн өгөв

2016 оны 4 сарын 28

Олимпын наадам болохоос 100 хоногийн өмнө уламжлал ёсоор зохион байгуулагч Бразиль улсад галт бамбарыг шилжүүлэн өглөө. Афинд асаасан галт бамбарыг Бразилийн албаныхан хүлээн авснаар Олимпын наадам эхлэх хүртэл орон даяар аялуулах юм. Олимпын бамбар ирэх тавдугаар сарын 3-нд нийслэл Бразилиад ирэх аж.

Бразиль улсад ерөнхийлөгч Дильма Руссеффыг суудлаас буулгахын төлөө улс төрийн зөрчил өрнөж, ургийн гажиг үүсгэдэг Зика вирусын халдвар гарсныг үл тоон Олимпын бэлтгэл ажил үргэлжилж байна. Гэхдээ Рио-де-Жанейро хотын дарга Эдуарда Паес Олимпын парк бараг бэлэн болсон боловч зарим төсөл удаашрах төлөвтэй байгааг ярьжээ. Өнгөрсөн бүтэн жилийн хугацаанд Олимпын наадмын бүтээн байгуулалтын ажлыг гүйцэтгэх үеэр гарсан ослоос болж 11  хүн амь үрэгдсэн байна.

Эх сурвалж: ВВС

Б.АНХТУЯА

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна