Трамп өнөөдөр С.Лавровыг хүлээн авч уулзана

2017 оны 5 сарын 10

АНУ-ын Ерөнхийлөгч Дональд Трамп ОХУ-ын Гадаад хэргийн сайд Сергей Лавровтай өнөөдөр /2017.05.10/ уулзана гэдгийг Цагаан ордны Хэвлэлийн төлөөлөгч нотоллоо хэмээн ВВС мэдээллээ.

Уулзалт Цагаан ордны Зуйван танхимд болох бөгөөд уулзалтад нэг ч сэтгүүлчийг оруулахгүй ажээ.

Энэ оны нэгдүгээр сарын 20-нд үүрэгт ажилдаа орсноос хойш Трамп анх удаа Оросын гадаад бодлогын тэргүүнтэй уулзах гэж байгаа нь энэ юм.

Өнгөрсөн дөрөвдүгээр сарын сүүлээр ОХУ-ын Ерөнхийлөгч Владимир Путин Москвад АНУ-ын гадаад бодлогын тэргүүн Төрийн нарийн бичгийн дарга Рекс Тиллерсоныг хүлээн авч уулзсан юм.

Сергей Лавров тавдугаар сарын 9-нд Вашингтонд очсон бөгөөд түүний айлчлал 11-нийг дуустал үргэлжилнэ.

Айлчлалынхаа үеэр Сергей Лавров Рекс Тиллерсонтай уулзаж Сири болоод Украины асуудлаар ярилцах юм.

А.ТУЛГА

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна