• ОХУ-ын “Аэрофлот” компани Москва-Улаанбаатарын чиглэлд өдөр бүр тогтмол нислэг үйлддэг бөгөөд мэдээлэлд дурдагдсан нислэг нь SU563 дугаартай байсан байна.
• Онгоц Москвагийн цагаар оройн 20 цаг 20 минутанд Москвагаас хөөрч, Улаанбаатарт орон нутгийн цагаар өглөөний 06 цаг 10 минутанд газарддаг хуваарьтай ажээ.
• Онцгой нөхцлийн улмаас онгоц Пермь хотод орон нутгийн цагаар шөнийн 01 цагийн орчимд газарджээ. Пермь хот нь Москвагаас 1380 км зайтай оршдог бөгөөд, нийслэлээсээ +2 хоёр цагийн зөрөөтэй юм байна.
• Нислэг үйлдэж байсан А320 онгоцны ахмад зодоон хийсэн согтуу монгол зорчигчдыг Пермь хотоос Улаанбаатар хот руу үргэлжлүүлэн тээвэрлэхээс тухайн үед татгалзсан байна. Дашрамд дурдахад онгоцны ахмад ийм эрхтэй байдаг ажээ.
• Зодооны хэрэгт холбогдсон манай иргэд ОХУ-ын визгүй байснаас Пермь хотын “Большое Савино” нисэх буудлын холбогдох албаны ажилтнууд тэднийг хилээр нэвтрүүлэн, саатуулан шалгах боломжгүй байсан бололтой.
• Онгоц Пермь хотод онцгой нөхцөл байдлын улмаас газардсан учраас Улаанбаатар хотод цагаасаа хоцорч буусан нь тодорхой байгаа боловч энэ талаарх болон, хоорондоо зодолдсон монгол иргэд эх орондоо тэрхүү нислэгээр ирсэн эсэх талаарх мэдээлэл олдсонгүй. Манай нисэхийн лавлах 1980 дугаарын утас хариу өгөхгүй байгаа бөгөөд Пермь хотын “Большое Савино” нисэх буудлын +7 (342) 294-97-71 дугаарын утсаар тодруулахаар холбогдоход болсон хэрэг явдлыг баталсан боловч хэрэгт холбогдсон монгол иргэдийн талаарх дэлгэрэнгүй мэдээллийг зөвхөн удирдлагынхаа зөвшөөрлөөр өгнө гэдгээ хэллээ.   

Ireporter Ganaa.