Нийслэлийн хөрөнгө оруулалтын газар нь 172 аж ахуй нэгж, байгуулагатай гэрээ хийн хөрөнгө оруулалтын ажлыг хийж гүйцэтгэж байгаа төдийгүй нийтдээ 50,2 тэрбум төгрөгийн өртөгтэй 353 төсөл хэрэгжүүлж буй ажээ. Эдгээрээс 239 ажлын гүйцэтгэл 76 хувьтай байгаа юм. Сургуулийн дээвэр, цэцэрлэгийн их засвар, сургуулийн их засвар, дүүрэг хороодын байрны засварын ажил 95-100 хувьтай байгаа бол цэцэрлэгийн шинэ байр, сургуулийн спорт заал, лифт шинэчлэл зэрэг ажил ердөө 50 гаруй хувьтай байна. Энэ жилийн хувьд хөрөнгө оруулалтын зарим ажлыг дүүргүүдэд эрх шилжүүлэн гүйцэтгүүлсэн. Дүүргүүдээс Баянзүрх, Чингэлтэй, Баянгол дүүрэг эрх шилжүүлсэн ажлын гүйцэтгэлээрээ бусдаасаа дээгүүр үзүүлэлттэй гарчээ.
Д.Цэц