Agence France-Presse мэдээлснээр “Их хорийн” Сангийн сайд нар Олон улсын валютын санг шинэчлэх талаар тохиролцож чадсан байна. Сангийн сайд нар ОУВС-гийн Гүйцэтгэх зөвлөлийн хоёр суудлыг хөгжиж буй орнуудад өгөхөөр болжээ. Энэ удаагийн шинэчлэл сангийн түүхэнд томоохон нь болно гэж ОУВС-гийн тэргүүн Доминик Стросс-Кан сэтгүүлч нарт ярив.
Reuters агентлагийн мэдээгээр Гүйцэтгэх зөвлөлийн гишүүдийн тоо өмнөхийн адил 24 байх ажээ. Хөгжиж буй орнуудад өгөх нэмэлт хоёр суудлыг Европын орнуудын өнөөг хүртэл хувааж чадахгүй байгаа 8-9 суудлаас авах гэнэ.
“Их хорийн” Сангийн сайд нарын уулзалт Өмнөд Солонгосын Кенжу хотод болж буй бөгөөд G20-ийн гишүүдийн дээд хэмжээний Сөүлийн ирэх сарын уулзалтын бэлтгэл арга хэмжээ нь юм.
Эх сурвалж: Lenta.ru. Бэлтгэсэн Ш.Мягмар