“Мотив” хамтлаг Монголын рок попын ертөнцөд аль хэдийн өөрсдийн байр сууриа олжээ. Тэд өнгөрсөн жилийн “Миний дуунууд” тоглолтод шинэ залуу уран бүтээлчдийн эгнээнд багтаж байсан бол энэ жил мэргэжлийн төвшинд багтах болсон байна. Тэд энэ жилийн тоглолтод “Чи мэдэхгүй” хэмээх хуучны сайхан дууг шинэчлэн дуулсан. Тэдний тайзан дээр биеэ авч яваа байдал, дуулалт нь үнэхээр л мэргэжлийн түвшинд очсон нь илхэн байв. Нэг зүйлийг сонирхуулж хэлэхэд тэдний өмссөн сонирхолтой загвартай өмд нь залуусын анхаарлыг нэлээд татсан. Тоглолтын дараа үзэгчид “Мотив”-ийнхоны өмссөн өмдийг олж авья хэмээн ярьсаар ”UB Palace”-ийн концертын их танхимаас гарсан юм.