Монголын үндэсний худалдаа аж үйлдвэрийн танхимын XVIII их хурал өнөөдөр Соёлын төв өргөөнд болж байна. Энэхүү хурлаар хэд хэдэн асуудлыг хэлэлцэж шийдвэрлэх юм. Тодруулбал, МҮХАҮТ-ын 2006-2010 оны үйл ажиллагааны тайланг хэлэлцэхээс гадна тус танхимын дүрэмд нэмэлт өөрчлөлт оруулах талаар ярилцаж буй. Мөн 2010-2014 оны зорилт, үйл ажиллагаа, удирдлага зохион байгуулалтын асуудлыг хөндөх юм. Хуралд 800 төлөөлөгч оролцохоос 500 төлөөлөгч оролцож байгаа бөгөөд үдээс өмнө МҮХАҮТ-ын 2006-2010 оны үйл ажиллагааны тайланг сонссон юм. Үдээс хойшдоо МҮХАҮТ-ын даргын асуудлыг авч хэлэлцэх аж. Тус албан тушаалд “Монгол 999”-ын гүйцэтгэх захирал Л.Ариунболд, Үндэсний Соёмбо хөдөлгөөний тэргүүн Б.Лхагважав, МҮХАҮТ-ын даргаар ажиллаж байгаа С.Дэмбэрэл, тус танхимын орлогч дарга З.Янсанжав, М.Оюунчимэг нарын таван хүн өрсөлдөж байгаа юм байна.
Ж.ГЭГЭЭ