“Сайдын гэрлийг таслах юмсан”

Хуучирсан мэдээ: 2010.12.17-нд нийтлэгдсэн

“Сайдын гэрлийг таслах юмсан”

Нийслэлийн дулаан, цахилгааны хангамжийн талаар тавьсан асуулгад нь Эрдэс баялаг, эрчим хүчний сайд Д.Зоригт тун хангалтгүй, хариуцлагагүй хариулсан хэмээн үзсэн УИХ-ын эрхэм гишүүн Ц.Батбаяр өнөөдрийн Засгийн газрын цагийн төгсгөлд ийнхүү бухимдлаа. Ц.Батбаяр гишүүний хэлснээс үзвэл нийслэлийн зүүн хэсэг дулаан, цахилгааны хангалт, эх үүсвэрээр хомс ажээ. Гэтэл Нарантуулаас цааш хороолол барихаар төлөвлөсөн. Алтан-Өлгий хавьд барьж эхэлсэн хороолол дулаан, цахилгааны эх үүсвэрийн дутагдлын улмаас зогссон аж. Харин сайд Д.Зоригт энэ талаар судалгаа байхгүй гэжээ.

Гишүүн Ц.Батбаяр өөрийг нь Нийслэлийн Засаг дарга байх үед судалгаа байсан. Өмнөх Түлш, эрчим хүчний сайд асан Д.Эрдэнэбатын үед ч тийм судалгаа байсан гээд нэг сайд солигдоход өмнөх сайдын үеийн бүх материалыг устгадгийг буруутгалаа.

Мөн “Д.Зоригт сайдын гэрийн гэрлийг долоо хоног таслах юмсан. Тэгээд гэрэл дулаангүй байгаа нийслэлийн зүүн хсэгээр дагуулж явах юмсан” хэмээн бухимдаж байв. Ц.Батбаяр гишүүн уг асуудлаар Засгийн газарт дахин асуулга тавихаа мэдэгдэж, Засгийн газар гишүүдийн асуулгад ийнхүү оромдсон хариулт өгч цаг бардгаа зогсоох хэрэгтэйг сануулав.

             Д.ОЮУН

NewsMN Гар утасны хувилбар Татах
NEWS.mn

Мэдээллийн эх сурвалж