Ноён Лула Ерөнхийлөгчийн албыг хаших хугацаандаа гаргасан өөрийн ололт амжилтыг жагсаан бичсэний дотор ядуурлыг бууруулах, эдийн засгийн өсөлтийг дэмжих, мөн ойгүйдлийг удаашруулах зэрэг чухал үр дүнтэй ажлууд орсон байна. Түүнчлэн тэрээр гол гол төслүүдийг онцолсны дотор усан цахилгаан станц барих, эргийн нефтийн орд газрыг хөгжүүлэх зэрэг багтсан бөгөөд эдгээрийг Бразилийн түүхийг өөрчлөх чухал хүчин зүйлс хэмээн нэрлэжээ.
Эцэст нь Ерөнхийлөгч Лула өөрийн халааг авч буй Дилма Рузефыг бүрэн дэмжиж байгаагаа илэрхийлээд, түүнийг Бразил улсыг дэлхийн хамгийн тэгш эрхт улс болгон өөрчилж чадна гэдэгт итгэж байна гэжээ. Харин слесарь, худалдаа үйлдвэрлэлийн эвлэлийн гишүүн асан Лула албан тушаалаа хүлээлгэн өгснийхөө дараа юу хийх төлөвлөгөөгөө дэлгээгүй байна.