УИХ он солигдохын өмнө баталсан хуулиа эргэн засахаар боллоо. Үүнд хууль санаачлагч Ч.Сайханбилэг гишүүн “Үндсэн хууль баталсан баярын өдөр. Бид энэ өдөр баярлаж байх ёстой байтал хэдхэн хоногийн өмнө баталсан хуулиа өөрчлөх гээд сууж байна. Энэ өдөр хувь заяаны шоглоомоор гунигийн өдөр боллоо. Монголын төр үнэхээр хүчгүйджээ. УИХ-ын 76 гишүүнийг парламентын танхимд сууж байгаа 30-аадхан сэтгүүлч нугалж чадлаа. Энэ бол бидний эв нэгдэлгүй байгаагийн илрэл” гэж харамслаа илэрхийлсэн юм.