Сар шинийн өмнөх өдөр ийн идэвхийлсэн чуулганы хуралдааны үеэр УИХ-ын дарга Д.Дэмбэрэл ч хэлэлцэх гэж буй хуулийн төслийн талаар байнгын хорооны санал дүгнэлтийг УИХ-ын чуулганд танилцуулах гишүүдийг хурдан гэгч нь зарлаж, гишүүд ч жигтэйхэн шуурхайлж байсан. Харин нийтээр тэмдэглэх баярын тухай болон тэмдэглэлт өдрүүдийн тухай хуулийн төслийг хэлэлцэх явцад гишүүд асуулт асууж санал хэлсэн юм. Гэтэл УИХ-ын гишүүн, ХЗДХ-ийн сайд Ц.Нямдорж УИХ-ын дарга Д.Дэмбэрэлд хандан, “Дарга аа 14 цагаас бөх эхэлнэ шүү” хэмээн сануулж амжсан бол битүүний өдөр гэртээ эртхэн харьж, сар шинэдээ бэлдэх гэж яарсан Д.Оюунхорол гишүүн нэлээд бухимдан, “Одоо болъё л доо, арын ажил хэцүүдлээ” хэмээн бухимдаж суув. Бүсгүй хүн л юм чинь эрхэм гишүүн хатагтайд гэр орондоо хийх ажил мундахгүй л байсан байлгүй дээ.
Гишүүн хатагтай гэр рүү гээ яарав
Битүүний өдөр буюу хоёрдугаар сарын 2-ны өдрийн үдээс өмнөх УИХ-ын нэгдсэн чуулганы хуралдаанаар гишүүд Жендерийн тухай хууль хэлэлцсэн юм. Харин үдээс хойш хуралдаанаар УИХ-ын тухай хуульд өөрчлөлт оруулах тухай хуулийн төсөл болон “Ардын хувьсгал 90” медаль бий болгох тухай, Нийтээрээ тэмдэглэх баярын тухай болон тэмдэглэлт өдрүүдийн тухай хуулийн төсөл зэрэг гурван асуудлыг хэлэлцсэн.
Б.Алтан