Удахгүй болох олон улсын эмэгтэйчүүдийн эрхийг хамгаалах өдрөөр АН-ын дэргэдэх Ардчилсан эмэгтэйчүүдийн холбооныхон “Лиш” чуулган хийнэ. Жил бүр хийдэг уламжлалт чуулганыг энэ онд “Эрүүл монгол эмэгтэй-2020” нэрийн дор зохион байгуулахаар болжээ. Уг арга хэмжээнд зориулсан хэлэлцүүлгийг нийслэлийн эмэгтэйчүүдийн дунд явуулж эхлээд байна. Өнгөрсөн амралтын өдрүүдэд хийсэн хэлэлцүүлгийг өнөөдөр мөн үргэлжлүүлэн хийж монгол эмэгтэйчүүдийн эрүүл мэнд, хүний эрх, хөгжил, боловсрол зэргийг хэрхэн хангах талаар АН-ын гишүүн эмэгтэйчүүд дүүрэг дүүргээрээ ярилцаж байгаа аж.