Япон улсын Мияги болон Иватте мужид 8.9 баллын хүчтэй газар хөдлөлт, цунами болж  байгалийн ноцтой гамшиг тохиолдсонтой холбогдуулан тус улсад байгаа монгол иргэдтэй холбоо барихад туслахаар Скайтел компани шийдвэрлэсэн байна. Скайтелийн дараа төлбөрт хэрэглэгчид 3-р сарын 14-нийг дуустал олон улсын ярианы 002 гарцаар Япон улс руу ярих яриаг үнэгүй болгожээ. Харин урьдчилсан төлбөрт хэрэглэгчдийн хувьд 002 гарцаар тус улс руу ярих тарифыг 50% хөнгөлсөн байна.

Ингэснээр гамшгийн бүсэд байгаа монгол иргэдтэйгээ болон ойр дотны хүмүүстэйгээ холбоо барих, яаралтай мэдээ мэдээлэл хүлээн авах боломжтой болж байна.