Эрхэмсэг, донж маягтай энэ бүжигт дуртай хүмүүс Сөүл хотноо энэ сарын 5-9-нд цугларлаа. Танго бүжгийн гурав дахь удаагийн наадамд Хонконг, Япон, Австри, Сингапур, Хятад, Канад, Аргентиний бүжигчид оролцжээ.

Танго Солонгост арав гаруйхан жилийн өмнөөс дэлгэрч эхэлсэн боловч маш эрчимтэй хөгжиж байгаа юм. Танго бүжгийн студиуд томоохон хотуудад олноороо нээгдэх болсон байна. Харин өнөө жилийн наадамд 300 гаруй бүжигчин оролцсоны 120 нь хилийн чанадаас иржээ. Сүүлийн үед танго бүжгийн өлгий Аргентин руу явж энэ бүжгийг сурах моод Солонгост дэлгэрээд байгаа гэнэ.