Сонгуулийн тухай хуулийг УИХ-аар хэлэлцүүлнэ

Хуучирсан мэдээ: 2011.05.23-нд нийтлэгдсэн

Сонгуулийн тухай хуулийг УИХ-аар хэлэлцүүлнэ

50:26, 38:38, 24:52. Эдгээр тоонуу­дын аль нэгийг ирэх 2012 оны УИХ-ын сонгуульд хэрэг­лэх бололтой. Сонгуулийн тухай хуулийн төс­лийг Төрийн байгуу­лалтын байнгын хороогоор хэлэл­цүүлснээс хойш сар шахмын хуга­цаанд завсарлага аваад байсан УИХ-ын ажлын хэсэг өнгөрөгч баасан гаригт хуралдаж, хуулийн төсөлд өгсөн зарчмын зөрүүтэй сана­луудыг цэгцэлж дуусчээ.

Ажлын хэсгийн хуралдаанд УИХ-ын сонгуулийн тухай хуульд санал өгсөн СЕХ-ыхон мөн оролцсон байна. Саналаа хураангуйлж хэлэл­цүүлэгт бэлэн болгосон төслийг ирэх лхагва гаригт Төрийн байгуулалтын байнгын хороогоор хэлэлцүүлэхээр тогтсон байна. Үүний дараа намын бүлгүүдийн хооронд мажоритари болон хувь тэнцүүлсэн суудлын алиныг нь түлхүү авах гэдэг гол маргаан өрнөнө. УИХ дахь намын бүлгүүд ирэх 2012 оны сонгуулийг холимог тогтолцоогоор явуулна гэдэг дээр санал нэгдсэн хэдий ч хуулийн төсөлд оруулж ирсэн 50:26 гэдэг харьцаан дээр санал нэг­дэж чадаагүй. Ардчилсан намын бүлэг энэ тоог дэмжиж байгаа ч МАН-ын бүлэг эсрэг байгаа билээ.

Албан бус мэдээллээр энэ харьцааг 38:38, эсвэл 24:52 болгох тухай өөр хоёр хувилбар яригдаж байгаа юм байна. Ямартаа ч ажлын хэсэг саналаа бэлтгэж УИХ-д оруу­лахад бэлэн болсон болохоор Сонгуулийн тухай хуулийг энэ хав­­рын чуулганаар батална гэсэн намуу­дын амлалт ажил болоход алхам ойртлоо.   

Б.ГАЛ

NewsMN Гар утасны хувилбар Татах
NEWS.mn

Мэдээллийн эх сурвалж