Үндэсний спортоо хүндэтгэн тэгш дөрвөн ой давхацсан түүхт ойн баяр наадмын хүчит бөхийн барилдаанд зодоглосон Бээжингийн олимпийн аварга, Монгол Улсын Хөдөлмөрийн баатар, Гавьяат тамирчин, аймгийн арслан Н.Түвшинбаяр дөрвийн даваанд өвдөг шороодлоо. Улсынхаа баяр наадамд зодоглохоор жүдо бөхийн "Их дуулга", "Дэлхийн цом" зэрэг хэд хэдэн олон улсын тэмцээн өнжсөн тэрбээр наадмын зүлэг ногоон дэвжээнд өнгөтэй барилдаж, гурав давсан ч дөрвийн даваанд Хөвсгөл аймгийн Тосонцэнгэл сумын уугуул улсын начин Ц.Содномдоржид өвдөг шороодлоо.