Сэлэнгэ аймгийн Баянгол сум буюу Баруунхараагаас баруун тийш таван км орчим зайд зам тээврийн осол гарч, дөрвөн хүн газар дээрээ нас баржээ. “Эрдэмтранс” компанийн орон нутгийн зорчигч тээврийн 06-64 УБН улсын дугаартай том оврын автобустай 35-80 УБР улсын дугаартай “Грейс” микро автобус мөргөлдөж, том оврын автобусны жолооч гэмтэн, микроавтобусаны жолооч болон уг микро автобусанд зорчиж явсан гурван хүн нас барсан харамсалтай хэрэг энэ сарын 17-нд гарсан байна. Нийслэлийн Замын цагдаагийн газраас авсан мэдээллээр ослын улмаас Дархан-Уул аймаг руу зорчиж явсан тус аймгийн харьяат Ч, Э, Улаанбаатар хотын иргэн Д, Б нар амиа алдсан байна. Уг хэргийг Сэлэнгэ аймгийн Мандал сум дахь Цагдаагийн хэлтэст шалгаж байгаа ажээ.
А.Зул