Хятадын Шенжень хотноо болж буй FIDE-гийн эмэгтэй шатарчдын гран-при тэмцээний ээлжит цувралд оролцож буй Монголын шатарчин Б.Мөнгөнтуул тэмцээний долоон өргийн дараах байдлаар есдүгээр байрт бичигдээд байна. Эмэгтэйчүүдийн их мастер, олон улсын мастер, их мастер цолтой 12 шатарчин тойргоор тоглож аваргаа тодруулах тус тэмцээнд Б.Мөнгөнтуул нэг хожиж, дөрөв тэнцэж, хоёр хожигдсоноор нийт 3.0 оноотой байгаа юм. Харин Хятадын шатарчин Хоу Ифань гурав хожиж, дөрвөн тоглолтод тэнцсэнээр 5,0 оноотой тэмцээнийг тэргүүлж байна. Шатарчид өнөөдөр найм дахь өргийн тоглолтоо хийх бөгөөд Б.Мөнгөнтуул Армяны их мастер Елина Даньелантай цагаанаар тоглоно.