Энэ сарын 29-нд тохиох Нийслэлийн өдрийг угтаж, Улаанбаатар хотын
Захирагчийн ажлын албанаас энэ сарын 22-нд бүх нийтийн их цэвэрлэгээг
зохион байгуулахаар болсон байна.

Нийслэлийн өдрийг угтаж, нийслэлийн хэмжээнд гурван том цэвэрлэгээ
хийхээр төлөвлөсний дагуу эхний цэвэрлэгээг энэ сарын 1-нд зохион
байгуулсан байна.

Энэ хүрээнд хотын захын хэсэг болох зуслангийн газруудаар цэвэрлэгээ
хийсэн аж. Энэ ажилд Христийн сүмийнхэн сайн дураараа оролцсон байна.

Харин хоёр дахь их цэвэрлэгээг энэ сарын 15-ны бямба гарагт зохион
байгуулах бол 22-нд нийслэл даяар бүх нийтийн их цэвэрлэгээг зохион
байгуулахаар болжээ.

Хотын удирдлагуудын зүгээс энэ ажилд албан газар, байгууллага, аж ахуйн нэгжүүдийг идэвхитэй оролцохыг үүрэг болгосон байна.