Шинжлэх ухааны
өвөрмөц туршилтад оролцогчид өчигдөр туршилтын хугацаагаа дуусгасан тухай РИА
Новости мэдээлэв. Зургаан хүний бүрэлдэхүүнтэй олон улсын “Марс-500” баг нэг жил зургаан сарын хугацаанд Оросын
Шинжлэх Ухааны Академийн анагаах, биологийн хүрээлэнгийн тусгай туршилтад
байсан юм.
ОХУ, Хятад, Франц
болон Италийн сансрын хөлгийн инженер, туршин нисэгч нар Ангараг гаригийн бодит
нөхцөлтэй ихэд ойр туршилтийн байдалд шинжилгээ хийн ажилласан ажээ. Жингүйдэл
байгаагүйгээс биш туршилт сансрын нислэгтэй маш адил нөхцөлд хийгдсэн аж. Туршилтын
гол зорилго нь сэтгэл зүйн тэвчээрийг шалгах байсан бөгөөд оролцогчид энэ
даалгаврыг амжилттай биелүүлсэн байна. Туршилтыг удирдсан анагаахын ухааны
доктор А.Суворов хэлэхдээ Ангараг гариг руу нисээд эргэж ирэх хугацааг хүн
тайван хүлээж авна гэдэгт бид итгэлтэй боллоо гэжээ. Харин одоо эрдэмтдэд
Ангараг гариг руу нисэх сансрын нисэгчдийг хэрхэн сансрын хэт туяанаас
хамгаалах вэ гэдэг асуудлыг шийдэх үлдээд байгаа юм.
“Марс-500” багийн гишүүд арваннэгдүгээр сарын
найманд хэвлэлийн бага хурал хийлгэхээр төлөвлөөд байна.
Н.Тунгалаг