УИХ-ын Төсвийн байнгын хорооны хуралдааныг өнөөдөр үдээс хойш зарласан ч, хуралдаж чадсангүй. УИХ дах хоёр намын бүлгээс байгуулагдсан ажлын хэсэг Монгол Улсын 2012 оны нэгдсэн төсвийн төсөлтэй холбоотой саналаа нэгтгэж чадаагүйгээс хуралдах боломжгүй болсон аж. Тиймээс хурал маргааш дахин зарлагдахад хүрч буй юм байна. УИХ дахь намын бүлгүүдийн хувьд тэр дундаа МАН-ын бүлгийнхэн 2008 оны сонгуулиар амласан амлалтуудаа хэрэгжүүлэх хүрээнд ирэх оны төсөвт хандаж буй нь гол гацаа үүсгэж байгаа гэх яриа байна.