“Сонгодог эгшиглэн”-д саатаарай

Хуучирсан мэдээ: 2012.01.27-нд нийтлэгдсэн

“Сонгодог эгшиглэн”-д саатаарай

Жил бүрийн “Virtuoso” наадмыг дэмжиж, өөрийн нэрийн шагналыг залуу хөгжимчинд олгодог хийлч О.Байгалийн анхны бие даасан тоглолт өнөөдөр Улсын дуурь, бүжгийн эрдмийн театрт болох гэж байна.  Энэ талаараа хийлч О.Байгаль “Миний хувьд 18 дахь жилдээ хийл тоглож байна. Би тоглолтоороо дэлхийн сонгодог зохиолуудыг тоглохоор бэлтгэж байна. Нөгөө талаас мэргэжлийн уран бүтээлчийн хувьд хөгжлийн том алхам байх болов уу” хэмээн тайлбарласан. Хийлч О.Байгаль нь Хөгжим бүжгийн коллеж,  СУИС-ийг гоцлол хөгжимчин, хийлч мэргэжлээр төгсч, СЭЗДС-д “Сонгодог урлагийн менежментийг боловсронгуй болгох нь” сэдвээр бизнесын удирдлагын магистрын зэрэг хамгаалсан авьяаслаг бүсгүй юм.

Тус тоглолтод УДБЭТ-ын симфони найрал хөгжим, удирдаачаар УДБЭТ-ын ерөнхий удирдаач Н.Туулайхүү, удирдсан багшаар СУИС-ийн багш, дэд профессор Л.Алтанчимэг, төгөлдөр хуурчаар СУИС-ийн багш, Соёлын тэргүүний ажилтан Н.Гэрэлчулуун, хөтлөгчөөр Урлаг судлалын ухааны доктор, Ph.D хөгжим судлаач Д.Энхцэцэг нар ажиллахаар болсон байна. 

Хийлч О.Байгалийн “Сонгодог эгшиглэн” тоглолтын хөтөлбөртэй танилцана уу.

И.С.Бах – Соната №1  Адажио, Престо

П.И.Чайковский – “Бодрол”

А.Глазунов – “Адажио” “Раймонд” бүжгэн жүжгийн хэсгээс

К. Сен-Санс – “Интродукция и Рондо-каприччиозо” Op. 28

Н.Жанцанноров /Төрийн хошоо шагналт, хөгжмийн зохиолч/ – “Аяз”

А.Бородин – “Игорь Ван” дуурь  Игорийн Ари

С.Рахманинов – “Романс”, “Шөнийн анир чимээгүй…”

Б.Фомин – “Ганц учрал”

УДБЭТ-ийн гоцлол дуучин, МУГЖ Э.Амартүвшин

Төгөлдөр хуурч, СУИС-ийн багш, дэд профессор Д.Эрдэнэчимэг

Ф.Шопен – Этюд №12 “Хувьсгалын” ор.10

Төгөлдөр хуурч  Б.Анар                       
           
Ж.Чулуун –  “Ардын хоёр дууны найруулга”

Ж.Массне – “Бодрол”

Г.Венявский    – “Полонес бриллиант” D-Dur, op.4

И.Брамс – Хийл, найрал хөгжимд зориулсан концертын 2,3-р анги

М.Дөл
NewsMN Гар утасны хувилбар Татах
NEWS.mn

Мэдээллийн эх сурвалж