Өнгөрсөн сард Япон улсад болсон марафонд амжилттай оролцож, дэд аварга болсон Гавьяат тамирчин Б.Сэр-Од эх орондоо иржээ. Бээжин хотод бэлтгэл хийж байгаа тэрээр түр хугацаагаар амрахаар ирээд байгаа нь энэ. Монгол түмний уламжлалт цагаан сарыг эх орондоо өнгөрүүлсний дараа буцаад Бээжинг зорино. Харин тэндээсээ шууд Будант Альбионыг зорьж олимпийн бэлтгэлээ базаах юм. Тэрээр өчигдөр БТСГ-ын дарга Ч.Наранбаатартай уулзсан байна.